معلومات عامة حول شركة glovo
جلوفو أو Glovo هي شركة اسبانية تأسست في 2015 في برشلونة، واليوم تتواجد في أربع قارات: أوروبا وآسيا وأمريكا الجنوبية وبالنسبة لقارتنا الافريقية توجد فقط في المغرب ومصر، بدأت بشكل رسمي في المغرب شهر يونيو 2018 وتتموقع حاليا في الدار البيضاء والرباط ومراكش، و الجديدة.
مدير Glovo maroc اسمو كريم دبار
إلى بغيتو تتعرفو عليه هالحساب ديالو في linkedin شاب
مغربي ولد جامعة الأخوين
https://www.linkedin.com/in/karim-debbar-2a552835/�
هذه الشركة عندها تطبيق د الهاتف (Application Mobile) لي
متوفر أندرويد وحتى أيفون:
https://play.google.com/store/apps/details…
https://itunes.apple.com/us/app/glovo/id951812684?mt=8
هاد التطبيق كيسمح للمستخدمين ديالو أنهم يكومونديو أي حاجة تجيكم على
البال وكتوصلهم حتى للدار (وجبات سريعة، البقالة، الزهور، الهدايا والملابس،
الدواء، الخضرة...) كيجيبها ليهم واحد الشخص ، كيتسما عند الناس د Glovo
بي Glover#
وكيستعمل كوسيلة للتنقل بيكالا ولا موطور ...
إلى بغيتي تتحرك مع شركة Glovo خاص
العمر ديالك يكون فوق 18 عام ويكون عندك بيكالا ولا موطور.. بالإضافة لهاتف ذكي Smart Phone
لي تقدر تيليشارجي فيه التطبيق ديالهم ولي هو الأساس دالخدمة، وخاصك تكون ديما
كونيكطي حيث الخدمة كولها في لـ Application وهي
وسيلة التواصل الوحيدة لي عندك مع الشركة.
التطبيق يقدر أي شخص بغى يبدى يكوموندي ينزلوا عندو في الهاتف ولكن
بالنسبة للناس لي غيخدمو معاهم عندهم تطبيق داخلي خاص بالمستخدمين.
كيفية دفع طلب العمل في glovo المغرب ؟؟
أول حاجة كتدخل لهاد الرابط وكتعمر المعطيات الشخصية ديالك:
ممكن بعض المرات يكون التسجيل مغلق الى كانو محتاجين غير لشي عدد قليل
د الناس، فهاد الحالة تقدر دير عندهم دويرة للمكتب لي جا في زنقة ابن كثير
المعاريف بالنسبة للناس د كازا، وممكن تسجل وتدير فورماصيو في نفس الوقت الا لقيتي
القضية مرخوفة.
من بعد ما كتسجل كيتصلو بك وكتمشي لعندهم باش كدير واحد فورماصيو فيها
تقريبا ساعة كدوز بالخف كيشرحو لك التطبيق وطريقة العمل بالاضافة لكيفاش تتعامل مع
الكليان، على ماقال لي واحد الصديق داك شي ساهل غير هو ممكن بنادم يظهشر فالآول
طبيعي…
فاش كتسالي التكوين ولقيتي راسك أنتيريسي كتجيب ليهم الوثائق التالية:
فوطوكوبي د لاكارط، رقم الحساب البنكي الخاص بك، حسن السيرة والسلوك، وفوطوكوبي د
بطاقة المقاول الذاتي، والتأمين د الموطورو، بالنسبة للناس لي عندهم غير البيكالا
ميحتاجوش للتأمين.
من بعد ماكتجيب الوريقات ديالك كدوز بالخف حصة تكوين كتعلم كيفاش تنزل
وتفعل التطبيق من بعد ما كيكونوا رسلو لك واحد الرابط في الايميل ديالك وكاتاخد
واحد Référence،
فنفس الوقت كتاخد Sac صفر لي كاين في الصورة باش كتهز فيه
لاكوموند وكيعطيوك واحد support د الهاتف.
فاش كتوصل لهاد المرحلة كتكون صافي خاصك غير تبدا الخدمة، طريقة العمل
فيها شوية التفاصيل لكن مع الوقت بالخف تشد، مبغيتش ندخل في التفاصيل بزاف...
طريقة العمل مع glovo maroc ؟؟
- كتحجز ساعات العمل المناسبة ليك Pointage
يومين في الأسبوع الإثنين والخميس: ومقسمة بالشكل التالي
(الإثنين/الثلاثاء/الأربعاء) و (الخميس/الجمعة/السبت/الأحد).
- من بعد ما كتحجز ساعات العمل ديالك كيخصك تكون في لازون ديالك قبل بي (ربع ساعة)
وكدير Chek-in
بلي راك sur
place، من بعد كيبداو يجيوك les commandes
في التطبيق.
- مراحل الكوموند كدوز على 6 مراحل ساهلة كولشي في التطبيق كيرسلو لك الكوموند
كتمشي تجيبها من المحل الا كانو دايرين معاه تعاقد مكتخلصش والا كان لا كتخلص من
عندك، كتشد الطريق عند الكليان كولشي بال GPS فاش
كتوصل كتخبرهم بلي وصلتي كتعطي لخونا كيعطيك....
كتبقى تجربة زوينة بالنسبة لي بغى تتحرك شوية خصوصا ناس لي كيقراو ،
أنا كنت مسافر وشفت مجموعة من الشباب في الخارج ولاد وبنات خدامين فيها وبخير كاع
لي شفتهم محركين غير في البيكالا.
إيجابيات العمل مع glovo maroc:
* الوقت كامل ديالك، مكتزيرش بعدد ساعات العمل، وانت لي كتختار الوقت لي بغيت تخدم
فيه.
* نظام المحاسبة كيبدا من أول ما بيجيلك الريكويست في التطبيق.
* الشركة مكتخودش نسبة من الربح ديالك.
* مكتصيفطكش لشي بلاصة بعيدة على المنطقة لي نتا فيها.
* الوقت كامل ديالك، مكتزيرش بعدد ساعات العمل، وانت لي كتختار الوقت لي بغيت تخدم فيه.
سلبيات العمل مع Glovo maroc:
معلومات قد تحتاج لها :
1- رقم هاتف glovo :
للحصول على رقم هاتف glovo يرجى الضغط على الزر اسفله